.....तर महाराजा, सध्या कोरोना कृपेने धुणी-भांडी, केर-लाद्या इ. कामे आस्मादिक स्वहस्ते करत असल्यामुळे बरेच दिवस गायब असलेल्या गोष्टी, ह्या कपाटाखालून, पलंगाखालून बाहेर निघत आहेत. हे पुस्तक बरेच दिवस शोधत होते मग वाटलं कोणीतरी बहुतेक वाचायला म्हणून नेले अन् विसरले बहुतेक. हि लिपस्टिक, अगदी नविन होती हरवली तेव्हा. बरीच शोधली आमच्या मदतनीस मावशींनाही सांगून झाले की पलंगाखाली वगैरे नीट केरसुणी फिरवून बघा प्लीज. पण त्यांनी तर ग्वाही दिली की, "मी रोज इतका स्वच्छ कचरा काढते, नीट केरसुणी आडवी फिरवते की वो पलंगाखालून... तिथे पडली असती तर दुसऱ्या दिवशीच बाहेर आली असती". 😂😂😂 पेन ही तर अगदीच किरकोळ गोष्ट... ते हरवायचेच. हा कंगवा पण माझा लाडका. तो हि बरेच दिवस गायब होता. तर मंडळी, ह्या क्वारंटाईन काळात हरवले ते गवसण्याचा सुखद अनुभव मिळतोय मला. तुम्हाला??????????
No comments:
Post a Comment